Edi Rama vetëofrohet gjithmonë si shkatërrues i proceseve në Kosovë.

Sa herë Kosova gjendet në vështirësi, kryeministri i Shqipërisë, pa ia kërkuar kush, pa u konsultuar fare me Albin Kurtin, ndërhyn për të propozuar “zgjidhje” të krizave.

Të ishte vetëm kaq, ku ta gjeje.

Por, si është e mundur që “rastis” gjithmonë që zgjidhja që propozon Edi Rama rezonon me interesat e Serbisë dhe jo me Kosovën??

Sot ai ka deklaruar se i ka propozuar zgjidhje presidentit Macron dhe kancelari Scholz për asociacionin, duke e konsideruar atë si nyjen gordiane mes Kosovës e Serbisë.

Para disa ditësh kur forcat serbe u pozicionuan në kufi me Kosovën, Edi Rama nga Bratislava relativizonte këtë kërcënim sikur të mos ekzistonte.

Sot po i njëjti person deklaron para mediave se situata në Kosovë është alarmante dhe vetë ai nuk mund të qëndronte duke parë Kosovën teksa tkurrej në sytë e atyre që e krijuan atë si shtet. I dhimbset kosova? Jo. I dhimbset dikush tjetër.

“I pakuptueshëm është pozicioni i Kosovës dhe jo i Serbisë. Palët nuk po merren dot vesh se kush duhet ta shkruaj këtë tekst e jo më të merren vesh se çfarë duhet të ketë teksti. Ky është një dokument konfidencial që nuk pretendon të jetë zgjidhja ideale, por ju siguroj që është një dokument i nivelit ndërkombëtar që merr në konsideratë të gjitha arsyet për krijimin e asociacionit dhe merr në konsideratë që asociacioni është pjesë e organizimit të jetës në Republikën e Kosovës. Uroj dhe shpresoj që ky material të vlejë për të çuar Kosovën në një nivel tjetër dhe për  t’i bërë palët që të flasin për gjëra konkrete dhe që lidhen me përfundimin e procesit të dialogut dhe gjëra që të flasin me vete dhe për vete. Situata në Kosovë po bëhet alarmante dhe unë nuk mund të qëndroj spektator, duke parë Kosovën se si po tkurrret në sytë e atyre që e krijuan në sytë e atyre që e krijuan si shtet”- ka thënë ai në konferencën për shtyp.

Çfarë ndryshoi brenda një jave që Rama të alarmohet?

Asgjë s’ka ndryshuar përveç qëndresës se Albin Kurtit, i cili po i reziton presionit dhe po sqaron të gjithë ndërkombëtarët e involvuar në këtë çështje.

Kjo rezistencë e Kurtit duket se po jep efektin që Aleksandër Vuçiç nuk e priste. I cili është nxitësi i konfliktit dhe pozicionohet gjithmonë në rolin e viktimës.

Këtu duhet kërkuar edhe shkaku u alarmimit të Ramës për situatën në Kosovë dhe ndërhyrjen e tij absurde.

Rama alarmohet dhe sulmon Kosovën e Kurtin sa herë që Aleksandër Vuçiçit nuk i shkojnë planet në vend.