Luftë kundër pedofilisë

Në rënien e donacioneve nga besimtarët kanë kontribuar shumë skandalet seksuale dhe plaga e pedofilisë. Kjo demonstrohet edhe nga dosjet që qarkullojnë në Kapelën Sistine. “Toleranca zero” e iniciuar nga Papa Ratzinger nuk çoi në rezultatet e shpresuara, pavarësisht heqjes së sekretit pontifikal apo detyrimit për t’ia raportuar rastet hierarkinsë kishtare. Nuk ka shërbyer as krijimi i platformave të dëgjimit dhe themelimi i Komisionit Papnor, i kryesuar (jo rastësisht) nga françeskani USA Seán O’Malley. Nuk mund të përsëriten më ngjarje si ato të Juan Luis Ciprianit, kardinal i dyshuar për abuzim, por i lirë të qarkullojë nëpër Kongregacione. Apo raste të tjera si Theodore McCarrick, ish kardinali i Uashingtonit, që vdiq në moshën 94 vjeç si laik pasi u shkarkua më 2019 sepse u gjend fajtor për marrëdhënie seksuale të përsëritura me fëmijë dhe seminaristë, si mijëra priftërinj të dënuar, që i kanë kushtuar Kishës USA miliarda në kompensime që nga viti 2001 dhe një reputacion shkatërrimtar. Duhet lexuar kështu referenca ndaj Ungjillit (Mateu 16:18), et portae inferi non praevalebunt, si të thuash se, në Vatikan nuk ka më vend për ata që kanë mbrojtur përbindëshat.