Gay, divorci dhe martesa
Pastoralja e Familjes, me bashkimin e të divorcuarve të rimartuar dhe bekimet (pastorale, jo liturgjike) për çiftet gey i ka çorientuar besimtarët dhe ka vënë në padiskutueshmërinë e lidhjes martesore, Kodin e së Drejtës Kanonike, Shkrimet e Shenjta dhe Magjisterin e Kishës. Pa përmendur hapjet e Bergoglios mbi dhjakoninë femërore dhe celibatin e priftërinjve. Në emër të unitetit të Kishës mbi këto çështje dhe në përgjigje ndaj Dubia-s së tradicionalistëve, nuk duhet të ketë lëshime e as paqartësi edhe përballë konkurrencës së Kisha Evangjelike, veçanërisht në Afrikë, dhe të protestantëve në Evropën e traditës gjermanne, historikisht të tunduar nga përçarja.
Financimi dhe vokacionet
Në Perëndim, ideologjia pauperiste dhe woke i ka zbrazur kishat dhe larguar katolikët (bashkë me paratë e tyre) drejt shtigjesh të tjera, këtë e dëshmoi edhe Trump në zgjedhje dhe bindi. Siç ka thënë në një intervistë të para pak kohëve ish-bankieri Ior Ettore Gotti Tedeschi, “për të luftuar pabarazinë, nevojitet një Kishë e pasur”. Financat e Vatikanit janë në të kuqe pavarësisht betejës kundër atyre që dyshohet se u pasuruan me paratë e ofertave, me shumë hije mbi “gjyqin e shekullit” kundër Imzot Angelo Becciu.
