Çfarë Kishe do të jetë me Papën e ri?

Make the Church great again. Është e pamundur të mos e parafrazosh Donald Trump-in, teksa dëgjojmë fjalët e para të Papa Leo XIV mbi unitetin “në emër të Krishtit”, drejtuar një tufe prej 1.4 miliardë besimtarësh që duhet të bashkohen, mbi “urat që duhen ndërtuar”, mbi “paqen çarmatosëse e të çarmatosur”, mbi të Keqen që “nuk do të mbizotërojë”. Por sfida që pret pasardhësin e Françeskut ka të bëjë edhe me dialogun me Islamin, luftën kundër abuzimit, rënien e besimit dhe financimet.

Rreziku i përçarjes dhe apeli për unitet

Zgjedhja e Papës pas vetëm dy ditësh Konklave përçon një sinjal uniteti për të mos u humbur. Lëshimet progresiste të Bergoglios kanë lënë gjurmë veçanërisht në peshkopatën amerikane, si dhe në atë afrikane. “Papa preferonte “të niste procese në vend që të kërkonte zgjidhje”, siç e dimë. E nëse është e vërtetë që Prevost është më pak yankee nga kardinalët USA, atëherë zgjedhja e tij shënon sidoqoftë një jovijimësi me Papatin e mëparshëm, duke mos i përfshirë referencat e përsëritura ndaj Françeskut. Rigoroziteti tij mbi doktrinën, kombinuar me studimet e Shën Agustinit, duhet të garantojnë një rikthim gradual te “vlera të panegociueshme” siç është jo eutanazisë, huazimit të mitrës dhe abortit, çështje që ndajnë katolikët “e rritur” si Joe Biden me tradicionalistët si JD Vance.