Mashtrimi elektoral i Edi Ramës për integrimin në BE
Kryeministri Edi Rama ka nisur fushatën elektorale me premtime të bujshme, ndër to, duke deklaruar se shqiptarët duhet të votojnë Partinë Socialiste për të siguruar anëtarësimin e vendit në Bashkimin Europian deri në vitin 2030. Por, opozita e konsideron këtë një tjetër mashtrim të madh. Sipas krerëve opozitarë, argumenti i Ramës se PS është një parti europiane është një farsë, e cila nuk qëndron as historikisht, e as në realitetin aktual.
Mjaft të kujtojmë që Partia Socialiste i ka rrënjët fort të ngulitura në trungun e ish-Partinë Komuniste dhe se në këto vite në pushtet, skandalet e korrupsionit kanë mbizotëruar. Numri i madh i deputetëve, kryetarëve të bashkive dhe ministrave të PS-së që janë arrestuar ose janë nën hetim për korrupsion, përfshirë edhe zëvendëskryeministrin në arrati, vërtetojnë më së miri lidhjet e kësaj qeverie me mafien e korrupsionin dhe “vizionin evropian” të saj. Pa folur këtu për kanabizimin e plotë të vendit dhe ngritjen e kullave si kërpudha në qendër të Tiranës dhe qyteteve të tjera kryesore të Shqipërisë, të cilat janë një kapitull më vete.
