Drejt koalicionit të ri të madh

Më 2013, në zgjedhjet e Bundestagut, votat e kombinuara të popullorëve dhe socialdemokratëve mbërrinin në 67 për qind të konsenseve. Tani jemi në 45%, në minimumin historik. Për SPD-në, 16.4 përqindëshi i të dielës është rezultati më i keq i të gjitha kohërave për në Bundestag. Ndërsa Merz buzëqesh, por nuk mund të injorojë faktin se edhe 28.5% me të cilat Unioni CDU-CSU fitoi zgjedhjet përfaqëson po ashtu rezultatin e dytë më të keq të arritur ndonjëherë nga kristiandemokratët, fill pas 22.3% të vitit 2021.

Tashmë është një pjesë votueshish që rreshtohen, në të djathtë, Alternative fur Deutschland – AFD (20.8%) dhe në të majtë Linke (pak nën 9%) dhe Bsw (pak nën 5%) të cilët votojnë në mënyrë eksplicite kundër sistemit tradicional dypartiak. Dhe pikërisht këtyre impulseve do të duhet para së gjithash t’i përgjigjet ekzekutivi CDU-SPD. Para së gjithash, sepse ai elektorat është një shumicë absolute në Landet Lindore, më të prekurit nga kriza industriale dhe energjitike, nga pabarazitë e brendshme dhe nga krizat gjeopolitike, para së gjithash nga shkëputja me Rusinë dhe pasojat e luftës në Ukrainë.