Gjithmonë njerëzimi ka shkuar në kërkim të eliksirit të jetgjatësisë. Kulti i rinisë së përjetshme ka pas qenë festuar që nga koha e grekëve të lashtë. Letërsia dhe kinemaja kanë prodhuar kryevepra të përqendruara pikërisht tek kërkimi apo tek mundësia për të mos u plakur kurrë. Në traditën popullore, eliksiri i jetës është një ilaç në gjendje për t’i dhënë pavdekësinë kujtdo që e pi ose për të forcuar dhe zgjatur vitalitetin e një personi. Së bashku me gurin filozofik, përfaqëson në legjenda një nga objektivat parësorë të alkimistëve. Më në fund shkencëtarët mund ta kenë gjetur përbërësin sekret që i afrohet paksa eliksirit të jetgjatësisë: është taurina, substanca që ndalon plakjen.

Taurina ndalon plakjen: e thotë studimi

Taurina është një aminoacid i prodhuar nga trupi i njeriut dhe i ditur që gjendet në shumë ushqime. Një studim i botuar në revistën “Science” dhe i kryer nga Vijay Yadav, i Universitetit të Kolumbisë, me bashkëpunimin e Giorgia di Lorenzo dhe Francescopaolo Lavarone, të Institutit Telethon të Gjenetikës dhe Mjekësisë (Tigem) të Pozzuoli, ka zbuluar se substanca mund të ndihmojë goxha kundër efekteve të plakjes, duke ndihmuar në një jetë më të shëndetshme dhe më gjatë.

Duke shtuar marrjen e taurinës, prodhimi trupor i së cilës tenton të ulet ndjeshëm me kalimin e moshës, studiuesit kanë verifikuar një rritje të moshës mesatare të minjve me rreth 16% dhe një përmirësim të përgjithshëm të shëndetit. Rezultate analoge janë marrë edhe nga disa majmunë antropomorfikë Rhesus. Studimi është kryer, për momentin, vetëm tek minjtë dhe majmunët e, për të vlerësuar përfitimet reale për njerëzit që të bëhen më të rinj, ende nuk janë kryer prova klinike specifike, të cilat do të duhen vite për t’u përfunduar.

Çfarë është taurina dhe për çfarë shërben: pse e prodhon trupi ynë

Taurina është një substancë e prodhuar nga trupi i njeriut e cila gjendet në sasi të mëdha në tru, retinë, zemër dhe trombocitet. Burimet më të mira ushqimore janë mishi dhe peshku. Në treg ka shumë integratorë me bazë taurinën, të disponueshëm në treg për shkak të përfitimeve që do thuhet se do të vinin nga konsumimi i kësaj substance.

Taurina përmirësonka pra performancën fizike dhe mendore, rrit energjinë dhe qëndrueshmërinë e muskujve. Falë vetive të saj antioksiduese, për më pas, të mbrojë qelizë të trupit nga dëmtimet e shkaktuara nga stresi oksidativ. Në praktikë, kjo substancë luan një rol të rëndësishëm për organizmin e njeriut dhe ndoshta është pikërisht ai, “eliksiri i jetgjatësisë” i aq kërkuar nga alkimistët dhe shkencëtarët e të gjitha moshave.

Përgatiti Dardan MITROVICA