1992, revolta në Los Angeles, shpërthen kaosi: humbjet më të mëdha të sektorit të sigurimeve

Në historinë e kohëve të fundit, Shtetet e Bashkuara nuk ishin mësuar me protesta masive në të gjithë vendin. Trazirat civile ishin në pjesën më të madhe të tyre të kufizuara nëpër qytete apo zona specifike. Tooze përdor shembullin e revoltave të Los Angeles 1992.

Rodney King – Më 1992, një banor vendas, afro-amerikan, i quajtur Rodney King u rrah brutalisht prej katër agjentëve të policisë. Dhuna e regjistruar u transmetua në të gjitha rrjetet televizive, duke tronditur mbarë vendin.

Agjentët e policisë të përfshirë në incident u akuzuan për përdorim të tepruar të forcës, por në fund u liruan nga akuzat, duke shkaktuar kaos. Qyteti i Los Angeles shpërtheu në një mosbindje civile masive.

Banorët, shumë prej të cilëve ishin përballur apo kishin qenë dëshmitarë të brutalitetit policor të motivuar nga racizmi prej dekadash të tëra, vendosën se ishte mjaft. Ata zbritën në sheshe për të shprehur zemërimin e tyre.

Eventet e 1992 shkaktuan humbje nga më të kushtueshmet në historinë amerikane, që arrinin në mbi 775 milionë dollarë (afërsisht 1.42 miliardë dollarë me vlerësimin aktual).

Dekada më vonë, në maj 2020, George Floyd, një tjetër afro-amerikan, u arrestua në Minesota pasi një dyqan i zonës pati raportuar dyshime se Floyd kishte përdorur para të falsifikuara.