Sulmuesi i Barcelonës, Marcus Rashford, ka ndarë komentet e tij mbi përballjen e ardhshme me Real Madridin.

“Real Madridi ka një skuadër shumë të fortë dhe një trajner të jashtëzakonshëm. Janë në formë të shkëlqyer. Kjo nuk më habit sepse kanë lojtarët më të mirë, kështu që pres një ndeshje të tensionuar dhe emocionuese”, ka deklaruar Rashford për Barca Universal.

Lojtari ka nënvizuar se Barcelona do të bëjë gjithçka që mundet për të marrë një rezultat pozitiv, edhe pse nuk do të jetë e lehtë.

Ndeshja e javës së dhjetë të kampionatit spanjoll midis Real Madridit dhe Barcelonës do të luhet më 26 tetor. Topi i parë është planifikuar për në orën 16:45 (ora e Tiranës).