Kledi Kadiu, në sallonin e Serena Bortones në Oggi è un altro giorno (Sot është një tjetër ditë), ka risjellë në kujtesë një pjesë të jetës, karrierës dhe mbi të gjitha ka folur për sëmundjen e djalit të tij, Gabriel. Balerini me talent dhe elegancë të madhe, nuk ka munguar nderimi për të famshmen Carla Fracci. Ai u hap me prezantuesen duke i shpjeguar forcën e kërcimit, si mbërriti në Itali dhe si u përball me “problemin delikat” të të voglit Gabriel, gjithmonë përkrah bashkëshortes së tij të dashur Charlotte Lazzari.
“Në Itali gjeta dashurinë e jetës sime”, Kledi Kadiu ka jetoi një jetë të plotë e të pasur me ngjarje, e mbi të gjitha me bukuri dhe dashuri. I lindur në Shqipëri, mbërriti në Itali përmes një prej shumë “udhëtimeve të shpresës”, për të cilin foli në sallonin e Serena Bortone. Foli hapur për çështje të ndryshme, përfshirë marrëdhënien e tij – të shkëlqyer – me Charlotte Lazzari dhe sigurisht sëmundjen e të birit, Gabriel.
Pranon se stili i tij i jetesës ka ndryshuar krejtësisht: “Kështu është kur bëhesh baba”. Dhe ka qenë Serena Bortone që e ka pyetur se si është Gabriel, pas problemit që pati në lindje. “Ishte një çështje mjaft delikat. Mendoj, përtej mjekësisë që zhvillohet, se dashuria është ilaçi më i mirë për të. Dhe ne përpiqemi t’ia japim çdo ditë, ashtu si motra e vogël”.
Kledi Kadiu, dashuria e madhe me Charlotte Lazzari
“Është më mirë”, ka rrëfyer Kledi, dukshëm i prekur. “Unë dhe Charlotte kemi ndihmuar njëri-tjetrin“. Dhe nuk është aq e dukshme, mbi të gjitha sepse, ndonjëherë, pas një momenti kaq të rëndësishëm, mund të ndodhë ndonjë çarje, nga e cila më pas është e vështirë të kthehesh pas. “E forcoi marrëdhënien tonë”. Fjalë që lënë të kuptohet për afeksionin dhe dashurinë e pabesueshme që ekziston mes çiftit, e që i ka mundësuar të përballen me një episod kaq të vështirë.
Mes kujtimesh dhe emocionesh, ka treguar edhe se si lindi dashuria mes tij dhe së shoqes. “Hodha hapin e parë dhe ishte një fitore e ngadaltë. Puthja e parë në Piazza del Popolo, pas dy muajsh. Ajo është e kundërta ime, unë jam zjarr, ajo është shumë e qetë”. Megjithatë, pikërisht dallimet ishin të dobishme për të kapërcyer çdo pengesë dhe për të qëndruar së bashku.
Mbështetja e çiftit për Gabrielin
Kledi Kadiu ka folur për herë të parë për sëmundjen e të birit Gabriel, marsin e kaluar, duke përshkruar situatën delikate. “13 ditë pas lindjes, Gabrieli pati ethe dhe konvulsione të forta, simptoma të një diagnoze pak a shumë komplekse: meningo-encefalit. Fillimi i një kalvari që na vuri vërtet në provë të ashpër”. Tashmë prindër të Leas, e lindur më 2016, edhe Lazzari kanë ndërhyrë për këtë çështje, duke rrëfyer vështirësitë.
“Kam përjetuar frikën, zemërimin, trishtimin dhe vulnerabilitetin, sepse në momente të caktuara ‘je e fortë mami’ nuk të bën asgjë“. Të dy janë vlerësuar gjithmonë shumë për sinqeritetin e tyre dhe mbi të gjitha për forcën e pabesueshme me të cilën janë përballur me situatën. I vogli Gabriel është më i mirë dhe kjo është e rëndësishmja, në familjen e tij nuk mungon dashuria. Sepse është strumbullari i vazhdueshëm i saj.
Përgatiti gazetatjeter
