Pasuria i është më shumë se përgjysmuar në një vit: Mark Zuckerbergut nuk i pëlqen ky element. Pavarësisht gjetjeve, themeluesi i Facebook ka marrë një goditje të madhe. Termi mund të mos jetë teknikisht shterues, por e jep mjaftueshëm idenë. Sipas një raporti të publikuar në faqen e internetit të Bloomberg, më 2022 sipërmarrësi amerikan ka humbur plot 70 miliardë dollarë, duke arritur në një vlerë neto aktuale prej 55.3 miliardë. Krahasuar me vitin e kaluar, CEO i Meta ka parë t’i zhduket pothuajse 55% të pasurisë, duke pësuar një goditje të konsiderueshme, po të kihet parasysh se shifra e mëparshme e vlerësonte në 125 miliardë dollarë pasurinë e tij.
Por çfarë ka ndodhur me arkat e Zuckerberg? Shkaqet e humbjes së konsiderueshme janë të shumëfishta. Kryesorja, sipas disa analistëve, do të ishte “ribranding” me të cilin sipërmarrësi e shndërroi Facebook-un në Meta. Investimet e akorduara për atë kalim, të vlerësuara në rreth 10 milionë dollarë, megjithatë nuk do të kishin dhënë efektet e dëshiruara, madje, përkundrazi, shumë përdorues do ta kishin braktisur platformën sociale. Që në shkurtin e kaluar, një muaj pas ndryshimit të emrit, kompania e Zuckerberg pati regjistruar rënie të përdoruesve me një reagim pasues në bursë. Sipas Fortune, në tre muajt e parë të vitit Meta kishte humbur 2.96 miliardë dollarë: në atë rast shumëkombëshja pati siguruar se efekti i padëshirueshëm, pra humbja, ishte marrë parasysh.
Por, mesa duket, paparashikmëritë nuk duhet të kenë të ndalur. Sipas të tjerëve vëzhguesve, Facebook (ose më mirë Meta) do t’i kishte humbur përdoruesit edhe për shkak të TikTok, platformës kineze të përdorur nga shumë të rinjtë që shpejt është bërë një fenomen i vërtetë planetar. Fibrilacione të tilla i kanë vënë menjëherë në alarm investitorët, që kanë filluan të pyesin veten nëse faza e zgjerimit të krijesës dixhitale të Zuckerbergut tashmë ka përfunduar. Po ashtu, partnerë tregtarë do t’i kishin kërkuar sipërmarrësit të gjente zgjidhje të shpejta për të përballuar rritjen e pandalshme të aplikacionit kinez.
Njerëzit më të pasur në botë, klasifikimi
Lexo më shumë
Kështu, në botën e manjatëve, themeluesi i Facebook e pa veten duke paguar çmimin më të shtrenjtë. Por, edhe super të pasur të tjerë kanë pësuar humbje të mëdha në pasuri: Jeff Bezos, mbreti i Amazon, ka humbur 46 miliardë dollarë (dhe asetet e tij tani janë 145 miliardë), ndërsa Bill Gates, themeluesi i Microsoft, ka parë një rënie të aseteve të tij prej 27. miliardë (pasuria e tij aktuale është 111 miliardë). Kështu, në renditjen e njerëzve më të pasur në botë, Bezos gjendet në vendin e tretë, i paraprirë nga biznesmeni indian Gautam Adani (në portofolin e të cilit janë 150 miliardë dollarë) dhe i ndjekur nga francezi Bernard Arnault. E Zuckerberg? Pas goditjes së fundit ekonomike, është vetëm i njëzeti.
Elon Musk: ja pasuria e tij
Në shkallën më të lartë të podiumit, krejtësisht i kënaqur, qëndron Elon Musk. Manjati i afrikanojugor jo vetëm kryeson me distancë (me 268 miliardë dollarë pasuri neto), por krenohet gjithashtu edhe me humbje të papërfillshme: as tre miliardë dollarë në vit.
