Kur biznesi shndërrohet në pushtet
Por rastet e Carney dhe Merz nuk janë risi. Edhe presidenti francez Emmanuel Macron, përpara se të hynte në politikë, ka punuar në bankën e investimeve Rothschild, ndërsa ish-kryeministri britanik Rishi Sunak ka punuar, përpara se të zgjidhej deputet më 2015, për Goldman Sachs, në fondin The Children’s Investment Fund Management, në kompaninë financiare Theleme Partners, e bashkëthemeluar prej në vitin 2010 dhe si drejtor i Catamaran Ventures, kompania e të vjehrrit. Dhe përveç detyrave si liderë, shpesh titullarët e posteve të larta qeveritare kanë një përvojë në sektorin financiar.
Në Francë, kryeministri François Bayrou ka emëruar në krye të Thesarit të Parisit, Eric Lombard, ish-drejtor i Bpifrance, një bankier me dekada karriere financiare mbi shpatulla, i bërë eksponenti i parë i jashtë i sistemit partiak që drejton Ministrinë franceze të Ekonomisë dhe Financave që prej çlirimit nga pushtimi gjerman, më 1944.
Në SHBA, Scott Bessent, kreu i Thesarit, ka qenë një protagonist i ngjitjes së George Soros, në rangun e spekulantit të madh financiar, përpara se t’i afrohej Trumpit. Të tjerë menaxherë dhe investitorë të lartë në qeverinë Trump përfshijnë Doug Burgum, Sekretar i Brendshëm dhe Chris Wright, Sekretar i Energjisë, për të mos folur për Sekretarin e Tregtisë, Howard Lutnick, miliarder shumë i afërt me The Donald. Edhe Steve Witkoff, i dërguari special për Lindjen e Mesme, është po ashtu një biznesmen: ai ka punuar për një kohë të gjatë në zhvillimin e pasurive të paluajtshme dhe të fondeve të pasurive të paluajtshme.
