Lewis Hamilton i ka ndryshuar ngjyrën edhe Mercedezit të tij. Shigjetat nuk do të jenë më argjendi siç ndodhte në gara që nga vitet 1950: do të jenë të zeza. Shigjeta të zeza, si në romanin e Robert Louis Stevenson

(Mund të thotë dikush se kam gabuar kur kam shkruar cirkun në vend të cirkus. Jo, jo. kam shkruar pikërisht atë që desha).

Kthehemi në temë pra! Lewis Hamilton i ka ndryshuar ngjyrë edhe Mercedezit të tij. Shigjetat nuk do të jenë më argjendi siç ndodhte në gara që nga vitet 1950: do të jenë të zeza.

Shigjeta të zeza, si në romanin e Robert Louis Stevenson. Të jesh i zi është fuqia e gjashtë herë kampionit të botës. Një çekan i vërtetë, jo vetëm kur garon. Nëse Hamiltonit i vjen diçka në mend, asgjë nuk mund ta ndalojë atë për ta bërë. Sot motivi kryesor i tij i jetës është slogani Black Lives Matter dhe ai po bën gjithçka në mënyrë që njerëzit të mos kthehen nga ana tjetër. Zbriti edhe në rrugët e Londrës me pankarta dhe grushta të mbledhura. Në mes të turmës, si një person i zakonshëm. Si një i zi i zakonshëm, që nuk mund të qëndronte dot më i mbyllur në jetën e tij plot miliona dollarë dhe privilegje. Ajo që ndodhi me George Floyd në Amerikë e ka egërsuar. U kujtua kur si fëmijë ndjehej i margjinalizuar, ndërkohë duhej të mësonte të artet marciale për t’u mbrojtur nga bullizmi. Është Tommie Smith i epokës moderne, Colin Kaepernick i vitit 2020 me gjithë fuqinë e mediave sociale dhe popullaritetin e tij të tejmbushur. Ka lançuar “Komisionin Hamilton”, në bashkëpunim me Royal Academy of Engineering, për të eksploruar mënyrat sesi motorsport mund të përdoret si një mjet për të përfshirë të rinjtë me ngjyrë në studimin e shkencës dhe teknologjisë, inxhinierisë dhe matematikës , dhe më pas për t’u gjetur atyre një punë në ekipe të ndryshme të F1 apo nëpër sektorë të tjerë inxhinierikë. Ai e bindi F1 të vinte një ylber nëpër makina dhe të nisë fushatën “WeRaceAsOne”.

Dhe tani edhe Mercedes ka vendosur të ndryshojë ngjyrën e shigjetave të saj të argjendta. “Jemi krenarë për kulturën dhe vlerat tona,” tha Toto Wolff-. Shpërblejmë kontributin e secilit individ dhe anëtarët e ekipit tonë na tregojnë se përvoja brenda team është gjithëpërfshirëse. Por në organizatën tonë, vetëm 3% e forcës sonë të punës identifikohet si përkatëse e grupeve etnike minoritare dhe vetëm 12% e të punësuarve tanë janë gra. Kjo mungesë diversiteti tregon se duhet të gjejmë qasje të reja për të tërhequr talente nga shumë fusha të shoqërisë, të cilat aktualisht nuk i arrijmë. E dimë që team ynë do të jetë më i fortë nëse do të jemi në gjendje të tërheqim talentet nga një pool sa më i madhe që të jetë e mundur dhe jemi të përkushtuar ta arrijmë këtë përmes akteve pozitive”.

Lewis padyshim e falënderoi Cda-në të Mercedezit “që gjeti kohën për ta dëgjuar, për të folur dhe për të kuptuar me të vërtetë përvojat e mia, pasionin tim dhe për hedhjen e këtij hapi kaq të rëndësishëm përpara”. Një hap i rëndësishëm. Përsosmërisht politically correct. Edhe pse më duket sikur se po e tepron pak. Në turravrapin për të ndjekur politikisht korrekten rrezikon të bëhesh qesharak.