Është deputet ai. Paguhet nga taksat tona, nga një ish-komunist, nga një Rilindas i sotëm, nga një ish- i dënuar politik, nga një ish-i internuar dhe nga një qytetar i mirë që e zë gjaku kur lexon për krimet e kohës së komunizmit.
Fytyrën është vështirë për t’ia mbajtur mend, sepse asnjëherë nuk e keni parë në diskutime, e aq më pak të kapë foltoren e kuvendit dhe flaës për nismat ligjore po hallet e qytetarëve që e kanë zgjedhur. Ah po nëse keni memorien e shkurtër është ai deputeti i PS-së në qarkun Lushnje që u dënua “rëndë” nga KQZ me 12 mijë lekë të vjetra sepse në kohë fushate u kap duke shpërndarë leje legalizimi, madje i afishonte edhe në rrjetet sociale.
Quhet Bujar Çela, një qenie politike gjenetikisht e modifikuar, mes komunistit dhe Rilindasit, që sot nuk e ka problem që të trazojë shpirtin e çdo shqiptari që vuajti nga regjimi komunist i Enver Hoxhës. Shkak për çmendurinë e tij politike u bë teksa në grupin e Ëhatsapp-it të Komisionit të Sigurisë postoi një foto të Enver Hoxhës bri flamurit kombëtar dhe shkruhej: Gëzuar festën e 28-29 nëntorit. Reagimi i deputetëve democrat në grup, teksa i kërkonin që minimalisht të fshinte postimin provokues solli kundërpërgjigjen e tij, prej një komunisti të vogël, që për ideal të partisë ishte gati të bëhej “martir i Rilindjes”.
Në fund, ky deputet që mbush radhët në kuvend, që për detyrë “fisnike” ka ngritjen e kartonëve sipas kërkesës së liderit shpirtëror Edi Rama arrin dhe fyen këdo shqiptar. “Më rruan leshtë kush s’më njeh mua dhe kohën”. Dikush nga kolegët socialist si mendje “perverse” shkroi se Bujar Çelës i kanë vjedhur telefonin dhe dikush tjetër po e përdor. Por vetë Çela, i bindur për idealet komuniste dhe mbi të gjitha për figurën e Enver Hoxhës, po nga ai numër komunikon me zë se: A mund të ketë Shqipëri pa emrin e Enver Hoxhës?! Shqipëria ka vetëm tri emra: Skënderbeun, Ismail Qemalin dhe Enver Hoxhën”.
Lexo më shumë
Tashmë nuk u mbetet gjë tjetër, që të parët që të mbajnë “radhën” për të pastruar nga leshi që i ka zënë edhe sytë Çelës së Ramës, të jenë votuesit e Rilindjes dhe specifikisht ato të Çelës. Më shumë se një “çmenduri deputeti”, është fryma e mbjellë. Sot qarkulluan me shumë triumph fotografitë e Enver Hoxhës dhe parullat në mbështetje të komunizmit. Është koha e tyre, është momenti që mprehin mirë briskun…!
