Me pushtimin e Ukrainës nga Rusia, rikthehet në qarkullim një parashikim i Albert Ajnshtajnit për Luftën e Tretë Botërore: ja çfarë thoshte ai

Prej disa javësh po flitet shumë për mundësinë që mund të shpërthejë një Luftë e Tretë Botërore. Bëhet fjalë për një lajm që po terrorizon botën që kur kërcënimet e Rusisë për pushtimin e Ukrainës u bënë realitet agun e 24 shkurtit me sulmin e trupave të Moskës.

Vëzhgues të ndryshëm nga e gjithë bota janë pak a shumë të ndarë për atë që po ndodh mes dy vendeve, megjithëse një gjë është e sigurt: nëse Putin do ta pushtonte vërtet Kievin, Shtetet e Bashkuara do të dërgonin ushtarë kundër rusëve, duke përfshirë të gjithë bllokun e NATO-s. Një lëvizje që padyshim do të tërhiqte të gjithë planetin në një konflikt me përmasa të pabesueshme dhe të paarritur më parë në rrjedhën e historisë.

Nga gjitha sa po ngjet, pra, frika e popullsisë botërore rritet gjithnjë e më shumë, aq sa janë të shumtë e shpluhurosur një citim të Albert Ajnshtajnit. Fjalë që fizikani i njohur i pati shqiptuar pikërisht teksa fliste për luftërat botërore, pas përfundimit të Luftës së Dytë Botërore.

Lexo më shumë

‘Unë e pashë çfarë ka në jetën e përtejme’: e vdekur për 8 minuta, rrëfimi tronditës. Çfarë pa zonja në botën e misterit?

Misteret e Biblës: çfarë dimë vërtet për Noè?

Çfarë ndodh në të vërtetë pas vdekjes? Ja disa prej teorive më të përhapura në botë

Ungjijtë Gnostikë: A janë këta librat e humbur të Biblës?

Ngjarje të pabesueshme historike që askush s’di t’i shpjegojë

“Unë nuk e di se me çfarë armësh do të bëhet Lufta e Tretë Botërore – do të thoshte Ajnshtajni – por Lufta e Katërt Botërore do të zhvillohet me gurë dhe hunj”.

Një metaforë shumë e qartë që donte të theksonte mundësitë shkatërruese të cilat që në atë kohë (Ajnshtajni vdiq më 1955 por ai citat i tij datonte disa vite më parë, dmth 1949) kishin arritur në armët e shkatërrimit në masë, të cilat, aq më tepër sot, do ta çonin të gjithë planetin drejt katastrofës totale. Kjo do të thotë kalimin, sipas fjalëve të fizikantit më të famshëm të historisë, nga aftësitë e pabesueshme teknologjike të sotme në “gurët dhe hunjtë” e të nesërmes së panjohur. Nga ana tjetër, Ajnshtajni, megjithëse studimet e tij rezultuan të ishin themelorë në zhvillimin e bombës atomike, kundërshtoi që në fillim përdorimin ushtarak të energjisë bërthamore dhe nuk ishte pjesë e Projektit Manhattan (i cili çoi në realizimin e bombave që u hodhën në Hiroshima dhe Nagasaki). Fjalët e tij aso kohe, pra, i referoheshin potencialit shkatërrues të energjisë bërthamore. Por sa aktuale tingëllojnë edhe ditët e sotme?

Përgatiti Dardan MITROVICA