Është ndarë nga jeta mëngjesin e sotëm në moshën 85-vjeçare një nga boksierët më të mirë shqiptar, Ahmet Golemi. Lajmin për ndarjen e tij nga jeta e bëri i biri përmes rrjeteve sociale.

Ai është shpallur 5 herë kampion i peshës së tij në vendin tonë. Golemi do mbahet mend gjatë për kontributin e dhënë në në boks, por edhe për dënimin e paprecedentë të bërë në kohën e komunizmit për agjitacion dhe propagandë. I pabesueshëm dhe i paimagjinueshëm do t’i ngjante brezave të sotëm borgosja e të madhit Ahmet Golemi vetëm sepse festoi fitoren e madhe të Cassius Clay kundër George Foreman në vitin 1974, në ndeshjen që u zhvillua në Kinshasa të Kongos. Por ai u ndëshkua me burg edhe sepse bleu një tortë 25 lekëshe, pikërisht për të festuar këtë fitore.

Pas dënimit, Golemi qëndroi për 5 vite në burg. Në vitet e demokracisë ai kujtohet për komentimin e ndeshjeve të boksit dhe zërin e tij kumbues, duke qenë padyshim komentatori më i mirë i boksit në vend.