Në Sicili, në bregdetin saj të bukur mesdhetar gjendet Pettineo, një zonë që merr pjesë në projektin “Shtëpi 1 euro”, i cili synon të rinovojë ndërtesat e braktisura dhe t’i japë një fytyrë të re qytetit
I nisur si një projekt eksperimental “Shtëpi me 1 euro” është një nismë që po përhapet gjithnjë e më shumë në Evropë. Një nga vendet që i është bashkuar kohët e fundit është edhe komuna Pettineo, në provincën e Messinës, në Itali.
Me qëllim të rizhvillimit dhe ripopullimit të qendrës historike të kësaj qyteze të vogël siciliane, Këshilli Bashkiak i Pettineo ka miratuar rregulloren për shitjen e shtëpive me çmimin simbolik prej 1 euro.
Hapi i parë ka qenë identifikimi i ndërtesave të braktisura dhe të papërdorura që mund të rikuperoheshin dhe konvertoheshin. Ajo që synon të bëjë kjo nismë nuk është vetëm tërheqja e të rinjve por edhe inkurajimi i hapjes së dyqaneve të reja dhe bizneseve të mikpritjes që mund t’i japin një fytyrë të re qendrës historike.
Sipas njoftimit të publikuar, pronat që vihen në shitje për 1 euro dhe që kushdo që blen merr përsipër të regjistrojë një projekt për rinovim dhe/ rizhvillim në Zyrat Komunale duke ia ngarkuar punën punëtorëve zonalë. Nisma “Shtëpi për 1 euro” është e hapur për të gjithë: nga çiftet e reja tek familjet me fëmijë, nga ata që kërkojnë të hapin një shoqatë kulturore tek ata që duan të nisin një biznes.
Pettineo nuk është e vetmja komunë siciliane që i është bashkuar nismës. Pak kohë më parë i janë bashkuar gjithashtu edhe Calatafimi Segesta, e cila ndodhet pranë parkut të bukur arkeologjik dhe Sambuca e Sicilisë, e cila është vlerësuar shumë edhe nga CNN.
Pse në Pettineo?
Pettineo është një fshat karakteristik që gjendet në shpatet e Monte S. Cuono në zonën e Maleve Nebrodi. Lajmet e para për qytezën datojnë në shekullin e 12-të kur Pettineo ishte një feud i Manfredi Maletta.
Pettineo ka arritur të ruajë një pjesë të impaktit ë tij të origjinës mesjetare të përbërë nga rrugë dhe rrugica të ngushta. Në Mesjetë, në fakt, ky lokalitet ishte një zonë e fortifikuar me një rrip mural që strehonte një kështjellë madhështore. Aktualisht është e mundur të admirohen mbetjet e Kalasë Pettineo dhe ndërtesat e rëndësishme fetare të ndërtuara përgjatë shekujve.
Ndër ndalesat që nuk duhen humbur rekomandohet Chiesa Madre-Kisha Nënë, kushtuar Maria SS. delle Grazie, e ndërtuar në shekullin e 16-të. Kisha u ndërtua në Piazza Duomo në vendin e një ndërtese tjetër fetare. Në brendësi, ndërtesa strehon vepra me vlerë të madhe, siç është triptiku maroran i Giacomo Gagini (1517-1598). Gjithashtu vlen të vizitohet edhe Kisha S. Oliva, e cila ruan afreske të mrekullueshme dhe Kisha San Sebastiano.
