Kush nuk ëndërron të dalë në pension e ta kalojë atë në vende përrallore ku të shijojë të gjitha më të mirat që jeta ka për të ofruar pasi të jetë arritur dhe tejkaluar më në fund pragu i pensionit të shumëpritur. Dhe nuk është e thënë që duhet të jesh milioner për ta bërë këtë. Nëse po planifikoni të tërhiqeni në një ishull ku mund të kënaqeni me lukse të vegjël me çmime të përballueshme, ja cilat janë vendet më të mira në botë për të jetuar si mbret pensionist.

1. Bali, Ishulli i Zotave

Ujërat turkezë, fushat orizore të një të gjelbre të thellë, plazhet të bardha dhe pyjet, tempujt me bukuri çarmatosëse dhe peizazhet që të lenë pa frymë, janë këto që i kanë dhënë Balit pseudonimin “Ishulli i Zotave”. Kjo parajsë tropikale e Indonezisë është vendi i përsosur për të shijuar jetën si pensionist.

2. Majorka, perla e shndritshme e Mesdheut

Nëse dëshira jote është të zhvendosesh në një vend ëndrrash, pasi të kesh arritur moshën e daljes në pension, por dëshiron të qëndrosh në tokë evropiane, Mallorca mund të bëjë për rastin tënd. Ndër destinacionet më të njohura për turistët në muajt e nxehtë, më i madhi nga Ishujt Balearik rezervon atraksione dhe ngjarje të paharrueshme edhe në muajt e dimrit, falë klimës së butë gjatë gjithë vitit.

3. Koh Samui, xhevahiri i egër i Tajlandës

Ndër ishujt më të njohur të Tajlandës, Koh Samui krenohet me plazhet e njohura në të gjithë botën  të krijuara nëpër gjire të izoluar, xhungla të populluara nga zogj ekzotikë, flutura dhe majmunë, ujëvara madhështore dhe pishina natyrore, është pra një zgjedhje pothuajse e pafundme vendesh fantastike për t’u çlodhur dhe për të parë perëndimin e diellit spektakolar mbi gji.

4. Penang, parajsa e dashamirëve të gatimit

Ishulli Penang, në brigjet e Malajzisë, konsiderohet nga shumë pensionistë amerikanë si një nga vendet më të qetë dhe tërheqës në botë. Një tokë plot me atraksione, e njohur mbi të gjitha për kuzhinën e saj: duhet marrë në konsideratë nëse e konsideron veten një merakli të gatimeve.

5. Irlanda, një ëndërr për pensionistët

Një tokë plot histori dhe folklor, me vende magjepsëse të celebruar nëpër filma dhe seriale televizive e me një hijeshi misterioze që e bën unikale në botë. Irlanda ka kaq shumë vende për të kaluar një jetë të qetë pensionisësh, zhytur në peizazhe përrallash dhe rrethuar nga atraksione të paimitueshme, nën një qiell që është “një oqean resh dhe drite”, siç thotë një këngë e famshme.

6. Malta, surpriza pa fund

Arkipelagu i Maltës është një rezervat surprizash dhe mijëvjeçarësh për t’u gjurmuar në pafundësi elementesh për t’u eksploruar. Nga La Valletta, një kryevepër baroke, qendër multikulturore dhe Trashëgimi Botërore e UNESCO, në Comino-n e mrekullueshme, një parajsë e paharrueshme për adhuruesit e zhytjes dhe ecjes: kudo që të vendosësh të kalosh ditët e pensionit në lumturi, peizazhi dhe arkitektura e këtyre ishujve do të ofrojnë gjithmonë një sfond spektakolar, mes ngjyrave, atmosferave dhe bukurive natyrore të papritura.

7. Kreta, idil dhe zbulim

Më i madhi i ishujve grekë është një tjetër destinacion idilik për të jetuar pasi të kesh arritur momentin historik të daljes në pension. Djep i disa qytetërimeve të rëndësishme të lashta, Kreta është një ndërthurrje e plazheve dhe peizazheve natyrore të pabesueshme, por edhe depozitare e një trashëgimie të mrekullueshme historike, arkeologjike dhe arkitekturore. Është patjetër për t’u patur ndërmend.

8. Phu Quoc, ishulli në formë pike

Destinacion ideal për ata që duan natyrën e paprekur dhe të egër, ishulli Phu Quoc në Vietnam është një tjetër parajsë për t’u zbuluar. Një bukuri magjepsëse në formë pike, e rrethuar nga ujëra të pastër kristal, ku ka kaq shumë për të njohur dhe për të parë. Si për shembull, vizita e fermave të specave djegës apo të fluturosh me teleferikun më të gjatë në botë.

9. Ambergris Caye, për ata që duan qetësinë

Mes ishujve të përsosur për bukurinë dhe koston, ku mund të jetosh si pensionist, është i mrekullueshmi Ambergris Caye, një nga destinacionet kryesore turistike në Belize. Një vend jashtëzakonisht magjepsës, ku mbizotëron moto “we go slow” (fjalë për fjalë: ‘ne shkojmë ngadalë’). Një frazë që e vetme mund të mjaftojë për t’i bindur ata që kërkojnë një mënyrë jetese vërtet të qetë.

Përgatiti Dardan MITROVICA