Puna që në katër vitet e fundit ka bërë fondi Elliott në Milano për Milanin është diçka e pabesueshme dhe ndoshta edhe e paimagjinueshme. Pronësia amerikane zbarkoi në klubin e rrugës Aldo Rossit më 2018 dhe në katër vjet ka ringjallur arkat e klubit, duke rritur vlerën me shpejtësi dhe me hapësira të mëdhe për rritje dhe e ka ripropozuar Milanin në nivelet më të larta të Serie A, me shpresën për t’u rikthyer së shpejti konkurrues edhe në Europë.

Rrënojat kineze

Dhe të mendosh që, skenari me të cilin familja Singer u përball katër vite më parë nuk ishte sigurisht më i miri. Menaxhimi i pakujdesshëm i pronësisë kineze të drejtuar nga Yonghong Li i la rosonerët në gjendje të vështirë, me borxhe të konsiderueshme. Elliott e bleu Milanin për 300 milionë dhe javët e fundit ka marrë oferta nga Investcorp dhe RedBird për rreth 1.2 miliardë euro: do të mjaftonte vetëm kjo për të treguar punën e bërë. Është vendosur një tavan pagash dhe janë shmangur investimet e pamatura. Ideja bazë është gjurmimi i talenteve të rinj dhe të rriten sa më shpejt e më mirë: një mision që, deri më sot, ka pasur sukses të përsosur në klubin e rosonerëve. Milan arriti një xhiro prej 300 milionë euro sezonin e kaluar falë edhe rikthimit në Champions League.

Shumë hapësira

Me skuadrën në betejë skudeto, 90 minuta nga fundi i kampionatit dhe një kualifikim në Champions League të siguruar me hetësi e maturi, por pa zhurmë, në këtë projekt të rosonerëve ka ende shumë vend për përmirësim. Edhe sepse sot, kuqezinjtë kanë një organikë që sezon pas sezoni po e rrit vlerën e saj dhe për rrjedhojë rritjen, edhe vlerën e klubit, si dhe njohjen e markës Milan kudo në botë. Nuk është rastësi që oferta kanë ardhur nga Bahreini dhe SHBA. Elliott po dëgjon ofertat dhe po i trajton ato por duhet theksuar gjithmonë se nuk i ka kërkuar ai blerësit, por kanë qenë vetë ata që i kanë trokitur në derë. Kjo do të thotë se pronësia aktuale e rosonerëve nuk ka nevojë ta shesë Milanin edhe sepse janë të vetëdijshëm që projekti mund të rritet ende dhe të garantojë një burim më të madh të ardhurash në të ardhmen.