Me një dënim prej vetëm një faqe, Gjykata e Lartë vendosi që ankesa nuk ka bazë ligjore. Më 20 janar 2021, Biden do të marrë detyrën në Shtëpinë e Bardhë

Gjykata e Lartë e SHBA ka hedhur poshtë apelin e Teksasit dhe Presidentit Donald Tramp për të rrëzuar vendimin e zgjedhjeve presidenciale amerikane që dekretoi fitoren e demokratit Joe Bajden.

Vendimi i Gjykatës së Lartë efektivisht i bën zero shanset e Trampit për të përmbysur verdiktin e votimit në favor të tij. Demokrati Joe Biden do të marrë detyrën më 20 Janar.

Organi më i lartë gjyqësor i Shteteve të Bashkuara, me një vendim prej vetëm një faqe, argumenton se mënyra në të cilën shtetet e tjera kryejnë procesin zgjedhor janë jashtë juridiksionit të Teksasit dhe për këtë arsye nuk ka asnjë bazë ligjore për ankesë. Në peticionin e Lone Star State të paraqitur të martën e kaluar, me mbështetjen e Trampit dhe të mbi 100 ligjvënësve republikanë, denoncohen Georgia, Michigan, Pennsylvania dhe Wisconsin për zgjatjen e afateve të votimit postar. Të katër shtetet i kërkuan Gjykatës së Lartë të hedhin poshtë apelin dhe kërkesa e tyre u pranua.

Lexo më shumë

BE-ja dhe paratë e shpërndara nëpër Media: çështja e “investigatorëve” të OCCRP e zbuluar nga Berliner Zeitung

Iran, misteri i rrezatimeve pas sulmit

Martirë dhe luftëtarë, luanë dhe gjarpërinj: lufta e shenjtë mediatike e Izraelit dhe e Iranit

Luani i Amerikës

Gjermani, fillon epoka Merz, rruga midis revoltës së periferive dhe SHBA-të për të përmbajtur

Hapat drejt inaugurimit të Joe Biden në Shtëpinë e Bardhë:

– 14 dhjetor: votuesit e mëdhenj duhet të votojnë për presidentin, në parim për kandidatin e zgjedhur nga vota popullore e shtetit të tyre. Në teori (pothuajse nuk ndodh kurrë) votuesit e mëdhenj mund edhe të mos votojnë për kandidatin që në shtetin e tyre fitoi votën popullore, duke u bërë “faithless elector”. Votat për presidentin dhe zv/presidentin numërohen dhe çertifikohen në secilin shtet; certifikatat i dërgohen një numri zyrash federale dhe Presidentit të Senatit (i cili aktualisht është zëvendësi i Trampit, Mike Pence).

– 6 janar 2021: Dhoma e Përfaqësuesve dhe Senati në Uashington DC mblidhen në seancë të përbashkët për të numëruar votat elektorale. Kur tejkalohet pragu i 270 votave elektorale, presidenti i Senatit shpall rezultatet.

Xho Bajden e ka tejkaluar shumë këtë prag.

– 20 Janar 2021: Është e ashtuquajtura inauguration day. Presidenti në largim mirëpret të sapozgjedhurit në Shtëpinë e Bardhë. Në këtë pikë, në një ceremoni ku marin pjesë të gjithë paraardhësit ende gjallë, presidenti i ri bën betimin. Ceremonia drejtohet nga Kryetari i Gjykatës së Lartë, aktualisht John Roberts.

Përgatiti Dardan MITROVICA