Një Evropë më e drejtë dhe më solidare, më inovative, më sovrane, më e gjelbër, më e qëndrueshme, dhe më dixhitale. Programi i Gjermanisë për presidencën e BE, i cili fillon sot, është ambicioz. Por edhe Evropa ka pritshmëri të mëdha në drejtimin e Angela Merkel

Një Evropë më e drejtë dhe më e bashkuar, më inovative, më e fortë në botë, pra më sovrane, e gjelbër dhe më e qëndrueshme dhe më dixhitale. Programi i Gjermanisë për presidencën e Bashkimit Evropian, i cili fillon sot, është ambicioz, i nxitur nga pritshmëritë e mëdha që vetë gjermanët e pranojnë se kanë. Por është një ambicie kësaj radhe e ndarë në nivel evropian nga të 27ët, sepse mbështetet në themele mjaft solide: besueshmëria dhe popullariteti i rikthyer kohët e fundit në nivelet më të larta të kancelares Angela Merkel, në shtëpi, në Evropë dhe në botë; menaxhimi i pandemisë, dhe jo vetëm asaj për sa i përket shëndetit, i cili deri më tani në Gjermani ka qenë shembullor dhe ndër më të mirët në rang evropian dhe botëror; propozimi historik i pashembullt e paraqitur nga Angela Merkel dhe Emmanuel Macron për krijimin e një fondi për tu ringritur prej 500 miliardësh grante vetëm për të mbështetur vendet më të prekura nga Covid-19, që është një projekt solidariteti i paparë i shoqëruar nga një mjet i jashtëzakonshëm i cili është emisioni i parë i bonove të borxhit të zakonshëm.

Sidoqoftë, presidenca gjermane fillon në një nga momentet më dramatike të historisë së BE-së dhe njerëzimit, përballë koronavirusit, përballë një krize të paparë social- ekonomik dhe shëndetësore në kohë paqeje dhe sfida më e vështirë që nga Lufta e Dytë Botërore. Siç theksoi dje një nga ambasadorët gjermanë në Evropë, Elbling, kur prezantoi programin e semestrit gjerman, “motoja jonë është rilançimi i Evropës, dhe jo rindërtimi, domethënë, ne nuk duhet të kthehemi në Evropën siç ishte para pandemisë por të gjithë së bashku të ringjallin një Evropë më të bashkuar, më sovrane, më e gjelbër, më digjitale, më inovative dhe më të fortë”. Ja pra pikat esenciale të programit gjerman.

Kapërcimi i pandemisë

Për rimëkëmbjen pas Covid, Gjermania do të bëjë presion derisa të gjendet sa më parë që të jetë e mundur (synohet në mbledhjen e Këshillit më 17-18 korrik) një marrëveshje mbi kornizën financiare shumëvjeçare, mbi Recovery fund e Next Generation. Një pikë e fortë: 500 miliardë grante për vendet më të prekura. Theksi mbi Politikën e Përbashkët Bujqësore për të garantuar të ardhmen e zonave rurale dhe forcimin e furnizimit rajonal të ka rënduar nga kriza e Covid. Dhe prodhimi i më shumë medikamenteve në Evropë, 90% e varura nga produktet jashtë-BE.

Më shumë solidaritet dhe kohezion social

Zhvillimi i një kornize evropiane për pagat minimale dhe të ardhurat minimale të garantuara, dhe pas SURE sigurimin evropian të papunësisë, veçanërisht papunësisë së të rinjve. Sigurimi i barazisë midis grave dhe burrave në trajtimin ekonomik të punës, më shumë promovim të grave në pozicione drejtuese dhe luftë kundër dhunës me bazë gjinore.

Llogaritë publike

Në verifikimin e Paktit të Stabilitetit dhe Rritjes, Gjermania synon të luajë një rol qendror në qëndrueshmërinë e financave publike, për të pasur hapësirë në përballimin e krizave.

Përgatiti Dardan MITROVICA