Rusia ka sulmuar Ukrainën. Në dritat e para të mëngjesit të 24 shkurtit, Kievi u zgjua nën bomba. Shpërthime të forta janë verifikuar në Odessa, Kharvik, Mariupol, Lviv. Rusia ka njoftuar se ka “asgjësuar mbrojtjen ajrore të Ukrainës”, ndërsa Kievi përgjigjet duke thënë se ka rrëzuar pesë avionë rusë dhe një helikopter. Ndërkohë, kanë dalë imazhet e para të shkatërrimeve të shkaktuara nga sulmet ruse teksa qytetarët e Kievit largohen nga qyteti. Sipas një bilanci fillestar, të raportuar nga Ansa, janë të paktën shtatë persona të vdekur dhe nëntë të tjerë të plagosur nga bombardimet.

Presidenca ukrainase ka shpërndarë një foto të parë të një kolone tymi që ngrihet pranë një parku në Kiev.

Televizioni ukrainas ka publikuar disa pamje të shpërthimeve të ndodhura në Kiev, nga të cilat po ju paraqesim një pamje të parë.

Një burrë shikon mbeturinat e një objekti të paidentifikuar si pasojë e një shpërthimi në Kiev.

Një foto e vënë në dispozicion nga shërbimi i shtypit i Ministrisë së Brendshme të Ukrainës tregon pasojat e një shpërthimi në ambientet e një ndërtese të një njësie ushtarake në Kiev. Presidenti i vendit Volodymyr Zelensky i është drejtuar kombit për të njoftuar vendosjen e ligjit ushtarak.

Përgatiti Dardan MITROVICA