Nga Dardan MITROVICA
Mesa duket Edi Ramës i kanë hyrë fort ethet e zgjedhjeve të reja për kryetarin e Bashkisë së Kukësit. Aq sa qysh tani ka filluar të lëvizë manekinët e tij që ka në opozitë, në partinë e bravave. Po lexoja në FB një reagim të një tipi që e quan veten sekretar për Vetqeverisjen në PD i quajtur Roland Bejko, të cilin gazeta e Maro Mokrës dhe ndonjë tjetër e kanë publikuar me gërma të mëdha, dhe mbeta me gojë hapur. Për dy arësye: 1) Për mashtrimet e paturpshme dhe idiotizmin; 2) për megallomaninë mungesën e kulturës që shpreh.
Që në krye të herës në reagimin e tij, ky tipi me emrin Roland Bejko merr përsipër të flasë në emër të qytetarëve të Kukësit dhe demokratëve të kësaj zone, duke ofruar emrin e Arif Rexhmati, kreut të partisë së bravës për kandidat të opozitës. Pas konsultimeve mora vesh se vërtetë demokratët e zonës e kishin propozuar si emër zotin Arif Rexhmati, por si njërin nga gjashtë kandidatët e primareve që partia më e madhe e opozitës do të organizojë në zonë, për të nxjerrë kandidatin e përbashkët të opozitës. Pra që në fillim tipi R. Bejko mashtron me paturpësi.
Më tej mashtruesi B, vazhdon të dizinformojë dhe të përhapë fake news duke shkruar se Berisha në një monolog me gazetarët, përsëriti refrenin e vjetër se më mirë bashkëpunon me Ramën se me këdo që mbështet, “Lul-Bravën”.
Lexo më shumë
U konsultova youtube me video e konferencës së kreut të opozitës zotit Berisha të cilës i referohet mashtruesi RB, video të cilën mund ta shohë dhe dëgjojë kush të dojë, dhe nuk dëgjova asnjë gërmë që të fliste për ndonjë farë bashkëpunimi me Ramën, por për një bashkim mbarëopozitar, me përjashtim të mashave të Ramës në opozitë. Mesa duket kjo thirrje e kreut real të opozitës i ka djegur aq shumë Ramës saqë urdhëroi menjëherë pengun Brava dhe mashat e tjera, ku nuk diskutohet është edhe R.B., për të vazhduar me punën e tyre të minimit të opozitës. Në fakt mendoj se këta individë edhe paguhen mirë prej Edi Ramës për të bërë reagime të tilla.
Duke bërë papagallin dhe plotësisht në rolin e tij si zhurmues i Edi Ramës, R.B., guxon e flet në emër të demokratëve ende, edhe pse ajo palo parti që mendon se përfaqëson doli as e para, as e dyta… as e treta por e katërta a e pesta në zgjedhje. Madje mendoj se edhe ajo përqindje që morën, padrejtësisht ju vodh demokratëve të ndershëm dhe të vërtetë, qoftë nëpërmjet tjetërsimit të vulës së partisë së tyre, apo me qindra-miliona eurot e krimit e korrupsionit.
Dhe e fundit, por jo për nga rëndësia, kur të hapin faqet e medieve të tyre Maro Mokra me sivllëllaun e tij, Caro Karlo, e di si e quajmë ne demokratët…? Ai tipi që quhet R.Bejko ka qenë për disa kohë afër nesh dhe duhet ta dijë mirë si i quajmë.
