Kontrata e re e trajnerit të Bayern Munich, Vincent Kompany, nuk përfshin një klauzolë largimi. Ky informacion u konfirmua nga drejtori sportiv i klubit, Christoph Freund.

“Ne nuk diskutojmë kurrë për detajet kontraktuale, por kontrata e re nuk përmban asnjë klauzolë çliruese. Jemi të bindur se Bayern dhe Vincent Kompany janë një çift perfekt. Ky është edhe një sinjal për skuadrën dhe gjithë të tjerëve se duam vazhdimësinë dhe se Kompany është trajneri ideal për Bayernin”, ka deklaruar Freund, i cituar nga Sky Sport Deutschland.

Theksojmë se kontrata e re e punës së 39-vjeçarit Kompany me Bayernin skadon në verën 2029.