Kanë hedhur shashkën për konsum se, Rama nuk është si Putin dhe Erdogan, sepse media është e lirë, ja nuk paska gazetarë të vrarë.

Ju vraftë Zoti!

Rama e konkuron fort në pasuri Putinin edhe Erdoganin.

Rama është njëlloj si Putini e Erdogani për të bërë ç’të dojë me institucionet dhe madje ua kalon, se merr edhe lëvdata amerikane, apo evropiane hera- herës.

Putini dhe Erdogani edhe nëse i kontrollojnë Gjykatat Kushtetuese së paku i kanë, nuk i asgjësojnë dhe mbyllin me vite siç bëri Rama.

Putini dhe Erdogani nuk kanë marrë vende të para në raporte ndërkombëtarësh për trafiqe droge, siç ka marrë Rama.

Putini dhe Erdogani nuk i kanë marrë nga burgjet dhe organizatat mafioze kryebashkiakët dhe deputetet, siç ka bërë Rama.

Putini dhe Erdogani kanë më shumë media kundër se Rama që i kontrollon sipas qejfit.

Rama si ka vrarë gazetarët, sepse shumicën e atyre që duhej t’i kishte pofesionalisht kundër, por ai i ka blerë. Kjo është vrasja moderne që vret zanatin.

Putini dhe Erdogani e përdorin sa herë duan Ramën, siç thoshte David Philips në një nga shkrimet e tij, “Rama rri si qen kone para Erdoganit”.

Rama nuk është si Erdogani, sepse ekonomia turke së paku ka mirëqenie të konsiderueshme për turqit, ndoshta si Putini ku 87 përqind e pasurisë e kanë 13 përqind e njerëzisë.

Putini dhe Erdogani nuk kanë qenë të shtruar në spitale psikiatrike me diagnoza serioze për shëndetin mendor, siç ka qenë Rama në vitin 1984 në Tiranë.

Putini dhe Erdogani shpallin ‘non grata’ diplomatët kur i bezdisin, Rama është më i mire, i ble ato.

Ka dhe shumë të tjera paudhësi që Rama i bën më keq se Putini dhe Erdogani, ndaj kanë të drejtë mbrojtësit e zellshëm, ata nuk janë njësoj. KY QË KEMI NE ËSHTË MË I KEQ.