Hapësira e ka magjepsur gjithmonë shumëkënd prej nesh dhe gjithçka rreth saj është e mbuluar me një aureolë misteri, por sot, falë teknologjisë dhe përparimit të shkencës, është bërë më e lehtë për të kuptuar dhe parë se çfarë ndodh në planetët dhe satelitët më të afërt me ne. Kjo është ajo që ka ndodhur falë roverit të vogël Yutu 2 që u ul në anën e fshehur të Hënës për ta eksploruar, i cili pati mbërritur në satelit më 2019 falë agjensisë kineze të hapësirës, e cila që atë vit kishte hasur në një substancë të veçantë të përshkruar si “e ngjashme me xhelin” e që doli të ishte shkëmb hënor i vetrifikuar për shkak të një goditjeje. (imazhet e zbulimit)

Çfarë zbuloi Yutu 2

Tani ka nisur të flitet përsëri për roverin Yutu 2, për imazhet e çuditshme dhe të veçanta të kapura. Një përditësim i publikuar nga një kanal i njohur kinez i lidhur me agjencinë hapësinore kineze (CNSA) tregon një foto shumë të veçantë të bërë nga roveri në nëntor, brenda së cilës shfaqet një objekt misterioz kuboid. Sipas vlerësimeve në momentin e bërjes së fotove, roveri ishte rreth 80 metra larg objektit të çuditshëm. Nga vetë testata kineze është përshkruar si një “kasolle misterioze” dhe, me sa duket, disa të dhëna për natyrën e saj mund të derivojnë nga fakti se gjendet pranë një krateri të madh me impakt pakashumë të ri në terma astronomike.

Çfarë mund të jetë

 “Kemi të bëjmë me ndonjë vendstrehim të ndërtuar nga alienët pas një uljeje aksidentale?”, shkruajnë në një postim “Apo bëhet fjalë pikërisht për një anije hapësinore?”. Siç tregojnë imazhet e postuara në Twitter nga gazetari Andrew Jones, përgjigja është se ka shumë të ngjarë që të mos jetë asnjëra prej të dyjave, por diçka që ne e dimë se Hëna ka mjaft: një shkëmb, edhe pse me siguri ekstreme do ta dimë vetëm midis dy-tre muajsh , kur Yutu 2 të mund të afrohet.

Kjo, pjesërisht prej faktit se roveri me energji diellore duhet të fiket përgjatë natës hënore, e cila zgjat dy javë, madje edhe kur Dielli është në zenit, për të shmangur mbinxehjen. Ndërsa presim, na mbetet të analizojmë disa indicie të mundshme për identitetin e kubit, që do të thotë praninë e një krateri me impakt relativisht të kohëve të fundit aty pranë. Që sugjeron se objekti mund të jetë një gur i zhvendosur nga përplasjet. Hëna në fakt nuk ka mbrojtje atmosferike çka do të thotë se ajo shpesh pëson goditje nga meteoritët.