Tashmë Markun,deputetin e porsa zgjedhur,thuajse e njohin të gjithë. Ndërsa Indrit Hoxhën besoj e njohin më pak. Po pse i bashkova te ky shkrim? Ç’dua të them me këto dy emra?
Marku dhe Indriti kanë qënë më parë deputetë. Marku katër vite,Indriti një pasdite. Marku një legjislaturë të plotë,Indriti një çast,disa minuta. Nuk pranoi të betohej se ky parlament,deklaroi me guxim ai,është i jashtëligjshëm dhe nuk mund të rri mes këtij llumi. Kaq foli dhe doli. Nuk pranoi rrogë të majme,benefice pa fund si plot të fundlistave. Shkurt u tregua demokrat i vërtetë,nuk u bë vegël,qëndroi si burrë.
Pas këtij gjesti kurajoz Basha e pa të udhës që Indritin mos e qaste në asnjë listë deputetësh.”!!!
E la mënjanë sikur Indriti të kishte ikur në hënë. E ndërkohë Basha u kujtua se më parë PD-ja kishte në kuvend një deputet me emrin Mark ndaj e thirri dhe jo vetëm e shkroi me stilograf emrin e tij,por edhe e bëri kryetar të zonës së Lezhës. Kështu historia rrodhi së prapi. Indriti bënte fushatë që Marku të bëhej deputet.
Lexo më shumë
Nuk ndodhi veç me Indritin. Në Korçë kryetarja e rinisë demokrate,Soela Myrtollari,që katër vite protestoi e mbajti bashkuar dhjetra të rinj u vu të punojë që të bëhej deputet Salianji apo Spaho,apo dikush tjetër. Pa folur për kryetarin e Korçës Mano i cili mblodhi aq vota sa mund të zgjidhej tre herë deputet. Por ja që nuk i vlejti besimi i votuesve. Partia e shkrojti poshtë vijës së fitores.
Ndërkohë Mark Marku në kuvend kërkoi Rithemelim të PD-së. Përveç kësaj renditi plot mangësi dhe më e thekura qe shprehja e tij:”Na vodhën,por edhe humbëm.”
Më ngjau si filmi “Zonja nga Qyteti” me frazën:”Qumështin fshatit ia doni,çunat nuk ia pëlqeni për dhëndurë!”
Marku ka të drejtë. Ajo parti u vodh nga Rama,por u “vodh” dhe nga Marku. Se u katapultua pa garë,pa krijuar frymë,pa rrezatuar besim,pa ngjallur shpresë. Mark-ër pati në çdo zonë. Ishte zgjedhje e kryetarit,jo dëshirë e votuesve. Dhe ai rezultat që u arrit erdhi prej Ramës,prej qeverisjes së keqe të tij. Jo prej fushatës prozaike që u bë.
Sot PD duhet reformuar. Padyshim që do strukturuar dhe aty duhet plugim i thellë. Kjo nuk arrihet me teori e manuale,siç deri tani,por me garë dhe pa kulisa e pa klientelë. Në se Marku e ndjen dhe e do,siç unë e besoj vërtet,duhet ta dorëzojë mandatin. Ta marrin ata që qëndruan pranë PD ditë e natë. Psh t’i jepet Indritit,Soelës apo plot Indritëve që kur u erdhi deputetllëku te dera e larguan me neveri. Nga që donin mandat të pastër,ligjor dhe plot moral.
Reformat efikase fillohen nga vetja,ndryshe do na ndodhë si me ujin e Lali Erit. Që na e shet për të pijshëm kur të gjithë e dimë se ai ujë “pihet” veç nga lavatriçja.
