Arti i driblimit është thellësisht i ndërthurur me futbollin dhe shpesh do do të thotë që të bësh më të mirën ndaj kundërshtarëve. Dribluesit ekspertë janë të paçmuar për skuadrat e tyre, ndaj, le t’i hedhim një vështrim disa nga më të mirëve që kemi parë dhe që historia e futbollit na tregon.

Numër 25. Dennis Bergkamp

Bergkamp zbarkoi te Arsenal dhe u bë menjëherë një sensacion në Premier League. “I vinte në gjumë mbrojtësit nëpërmjet një ndjenje të rreme sigurie dhe më pas nxirrte një truk magjik nga kapelja e tij,” shkruan Bleacher Report.

Numër 24. Fernando Redondo

Mesfushori argjentinas është shquar si një nga lojtarët më elegantë dhe efikasë në rolin e tij. E farkëtoi reputacionin gjatë kohës në Real Madrid dhe te Milan, duke fituar UEFA Champions League në tre raste.

Numër 23. László Kubala

Përpara se në Barcelonë t’ia behte Lionel Messi, ishte László Kubala ai që konsiderohej shpesh si lojtari më i mirë i klubit katalanas. Sulmuesi hungarez ishte një ikonë e Barcelonës dhe këtë e vërtetojnë edhe statistikat. Ka shënuar 288 gola në 361 ndeshje, sipas faqes zyrtare të FC Barcelona.

Numër 22. Eden Hazard

Eden Hazard i Chelsea ka qenë pa dyshim një nga dribluesit më të mirë të futbollit modern. Me një shkallë suksesi mahnitëse prej 63.1%, sipas Opta Analytics, anësori belg ka qenë i pandalshëm në krah.

Numër 21. Eddie Gray

I konsideruar një nga lojtarët më të mëdhenj skocezë të të gjitha kohërave, Grey bëri emër te Leeds United. I mbiquajtur ‘Valseri i fundit’, sulmuesi skocez ishte një driblues i mahnitshëm. “Kur ai luan në dëborë, nuk lë gjurmë”, ka thënë për të Don Revie (ish-trajneri i Leeds).

Numër 20. Patsy Gallacher

Një nga futbollistët irlandezë më të mëdhenj në histori, sulmuesi i Celtic konsiderohej një nga dribluesit më të mirë të kohës së tij. “Në 20 metra larg portës, Patsy Gallacher ishte sulmuesi më i rrezikshëm që kam parë ndonjëherë”, kujton legjenda e Rangers, Alan Morton.

Numër 19. Giuseppe Meazza

Meazza konsiderohet si një shtyllë e futbollit italian për nga ndikimi që ka pasur në lojë. Interi i ka dhënë emrin e tij stadiumit pasi kaloi 13 sezone me ta (duke debutuar më 1927).

Numër 18. Marc Overmars

Overmars ka qenë një nga dribluesit më vdekjeprurës të ’90. I fortë, i shpejtë dhe i shkathët, ishte një kërcënim i vazhdueshëm për mbrojtësit. Ish lojtari i Barcelonës ka shënuar 21 gola në 172 ndeshje, sipas faqes zyrtare të klubit.

Numër 17. Franck Ribery

Shpërthimi i Franck Ribéry nga krahu ishte i tmerrshëm për mbrojtësit, të cilët përpiqeshin të gjenin çdo lloj mënyre për ta ndaluar francezin. Sipas Opta Analytics, gjatë sezonit 2021-2023, Ribery ka regjistruar një normë suksesi në driblim prej 47.8%.

Numër 16. Romario

Një tjetër sulmues “magjik” brazilian që ka patur një ndikim të madh në futbollin evropian ishte Romario. Sipas vetë futbollistit, ka shënuar rreth 1047 gola, por të dhënat zyrtare e mbajnë në 690. Pëlqen apo jo, ai ka qenë padyshim një nga më të mirët.

Numër 15. Luis Figo

Figo ishte pjesë e gjeneratës së artë portugeze (asaj që nuk arriti dot ta fitonte një titull) dhe konsiderohej një lojtar jashtëzakonisht inteligjent në fushë. Vizioni dhe aftësitë e tij të shkëlqyera në driblim e bënë një sulmues shumë efektiv.

Numër 14. Stanley Matthews

Ikoniku sulmues anglez nga Hanley ishte një tjetër forcë për t’u konsideruar në fushë. E kundërta e George Best, ka qenë një futbollist vërtet i disiplinuar gjatë gjithë karrierës së tij. I mbiquajtur “magjistari i driblimit”, ka qenë një model i rëndësishëm për brezat e ardhshëm.

Numër 13. Omar Sivori

Sulmuesi italo-argjentinas është konsideruar si një nga dribluesit më të mirë gjatë karrierës së tij (1954-1969), duke fituar një reputacion të jashtëzakonshëm në të gjithë Evropën. Gjatë tetë sezoneve të tij në Juventus, shënoi 134 gola në 215 ndeshje dhe fitoi tre Scudetto, sipas Transfermarkt.

Numër 12. Neymar Jr

Sulmuesi brazilian konsiderohej një yll i La Ligës gjatë kohës së tij te Barcelona ​​dhe me të drejtë! Neymar kompletonte repartin vdekjeprurës sulmues të klubit katalan, bashkë me Suarez dhe Messi. Gjatë kohës së tij në La Liga, ka regjistruar 5.75 driblime të kompletuara për ndeshje, sipas StatMuse.

Numër 11. Cristiano Ronaldo

Cristiano Ronaldo është një tjetër emër i madh në listë. Sulmuesi portugez ka plazmuar një gjeneratë futbollistësh gjatë rivalitetit të tij epik me Messin. Edhe pse Messi ishte një driblues më i zotë, Ronaldo sidoqoftë ishte në luftë të vazhdueshme me argjentinasin. Sipas StatMuse, Ronaldo ka regjistruar 2.21 driblime të suksesshme për çdo 90 minuta.

Numër 10. Jairzinho

Jairzinho ka qenë një tjetër sulmues i suksesshëm brazilian përgjatë viteve ’70, duke shënuar në çdo ndeshje të Kupës së Botës më 1970. Kishte këmbë që lëviznin aq shpejt saqë mbrojtësit pyesnin gjithmonë se ku ishte topi.

Numër 9. Pelé

Për shumë, Pelé ka qenë më shumë se një futbollist, ishte një ikonë. I mbiquajtur ‘O Rei’ (Mbreti), sulmuesi brazilian ishte i njohur për aftësitë e tij të shkëlqyera në finalizim dhe driblim. Sipas FIFA-s, ai është “lojtari më i mirë në historinë e futbollit”.

Numër 8. Zinédine Zidane

‘Zizou’ ka qenë një tjetër lojtar i madh, që ka fituar gjithçka gjatë karrierës së tij. Ishte një mesfushor jashtëzakonisht i talentuar, që i superonte kundërshtarët me driblime të klasit botëror. Shumëkush do ta mbajë mend firmën e tij ‘Zidane roulette’.

Numër 7. Garrincha

Një tjetër legjendë braziliane për të cilën disa thonë se ishte edhe më i mirë se vetë Pelé: Garrincha, i njohur për aftësitë e tij të shkëlqyera të driblimit, të plotësuara tunele, finte dhe kthesa të forta. Ishte thjesht i paparashikueshëm, pavarësisht se vuante nga një sërë problemesh, si këmbën e djathtë të përkulur dhe këmbën e majtë më të shkurtër.

Numër 6. Johan Cruijff

Legjenda e Barcelonës ishte një gjeni në fushë dhe i çmendte mbrojtësit. Ai është një nga lojtarët e paktë në këtë listë me një driblim të quajtur me emrin e tij: ‘Cruyff turn’.

Numër 5. George Best

George Best ka qenë një rockstar i vërtetë në fushën e futbollit dhe një anësor jashtëzakonisht i talentuar që i tërbonte kundërshtarët me driblimet e tij. I lindur në Irlandën e Veriut, e kaloi pjesën më të madhe të karrierës së tij te Manchester United dhe, deri më sot, konsiderohet si një nga lojtarët më të talentuar që ka luajtur ndonjëherë në atë pozicion.

Top i Artë 1968 – Më 1968 fitoi Topin e Artë, duke fituar edhe një Kupë Kampionesh dhe dy kampionate.

Numër 4. Ronaldo

Ronaldo ka qenë një tjetër lojtar brazilian me famë botërore, i cili, sipas shumëve, ka qenë në të vërtetë më i miri në artin e tij. Përpara dëmtimit në gju, sulmuesi brazilian ishte i pandalshëm. “Ronaldo ishte heroi im”, ka thënë Messi gjatë viteve të tij të para në Barcelonë, duke theksuar ndikimin e tij.

Fenomeni – ‘O phenômeno’ kishte një aftësi të jashtëzakonshme në driblimin e kundërshtarëve dhe për t’u pozicionuar për një goditje premtuese. Gjatë kohës së tij te Inter, ka shënuar 59 gola në 99 ndeshje, sipas Transfermarkt.

Numër 3. Lionel Messi

Çfarë mund të thuhet për të madhin Lionel Messi? Konsiderohet nga shumë si ‘GOAT’ për shkak të rekordeve të tij mbresëlënëse në karrierë dhe aftësisë unike me top.

Driblues i paparë – Sipas Opta Analytics, Messi (2021-2023) ka regjistruar një përqindje driblimesh të suksesshme prej 58.4%, duke arritur në mesatarisht 7 driblime për ndeshje.

Numër 2. Diego Armando Maradona

Një tjetër gjeni i kohës së tij ka qenë padyshim Diego Armando Maradona. Ishte një lojtar jashtëzakonisht i talentuar I cili, për fat të keq, ishte gjithmonë në qendër të stuhisë. Sidoqoftë, aftësia e tij e jashtëzakonshme me topin e bënte një makth të vazhdueshëm për mbrojtjen.

Kupa e Botës 1986 – E udhëhoqi Argjentinën dhe Napolin drejt suksesit, duke fituar Kupën e Botës më 1986 dhe Scudetton e parë të Napolit më 1987.

Numër 1. Ronaldinho

Nëse pyesni ndonjë tifoz futbolli, në mbarë botën, se çfarë mendon për “Dinhon”, pjesa më e madhe do ta njohin atë si dribluesin më të madh të të gjitha kohëve. Stili i tij unik dhe aftësia e jashtëzakonshme në fushë e kanë ngritur atë si një lojtar fantastik mes legjendave.

Këmbë magjike – Këmbët e tij magjike do të thyenin çdo mbrojtje kundërshtare, duke e bërë të paparashikueshëm me topin. Gjatë sezonit të tij 2005 me Barcelonën, regjistroi numrin më të madh të driblimeve të kompletuara me një përqindje suksesi prej 61% (87/134), sipas Opta Analytics. Zinédine Zidane e kujton kundërshtarin e tij si “klas total – një lojtar shumë i madh”.

Materiali u përgatit për gazetatjeter.ner nga Dardan MITROVICA